Palomoka ya matlakala a dipotšišo ke 5.
Tokelo ya ngwalollo e ileditšwe Phetla NSC
DITAELO LE TSHEDIMOŠO
Lephephe le, le arotšwe ka dikarolo tše THARO, e lego A,B le C. KAROLO YA A: Ditaodišo KAROLO YA B: Ditšweletšwa tša tirišano tše telele KAROLO YA C: Ditšweletšwa tša tirišano tše kopana
Bala dipotšišo ka tlhokomelo gore o se hlahlathe.
Araba potšišo e TEE fela karolong ye nngwe le ye nngwe.
Thoma potšišo ye nngwe le ye nngwe letlakaleng la yona.
Ngwala ka bothakga le mongwalo wa go balega.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Hlokomela morero le sebopego sa sengwalwa se sengwe le se sengwe go ya ka go fapana ga dinyakwa tša sona.
Dingwalwa ka moka di ngwalwe ka Sepedi.
KAROLO YA A: DITAODIŠO POTŠIŠO 1
Kgetha e TEE ya dihlogo tše di latelago gomme o ngwale taodišo ya botelele bja mantšu ao e ka bago a 400 go iša go a 450.
Theknolotši le tlhabologo. Tia di lle. [50] GOBA
Bathobaso ba Afrika Borwa ba thomile go lahlegelwa ke setšo. Hlaloša. [50] GOBA
Mešomo ga e kaaka, e hloka fela bašomi. Tšweletša maikutlo a gago. [50]
Bokamoso bja Afrika Borwa ka morago ga dikgetho tša 2009. Tšweletša dikakanyo tša gago. [50]
GOBA
... ruri nka se sa boeletša! [50] GOBA
Mehla le mabaka di fetogile. Ntšha sa mafahleng a gago o lebeletše seswantšho se se latelago letlakaleng la bone.
PALOMOKA KAROLO YA A: 50
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Araba potšišo e TEE go tše nne tšeo di latelago. Botelele bja setšweletšwa sa gago e be mantšu a 180 go iša go a 200 (diteng fela).
Kabo ya mohlagase e gwahlafetše nageng ka bophara. Bjale ka modudi wa maikarabelo, ngwalela kuranta ya Sowetan athikele yeo ka go yona o tšweletšago dikgopolo, maikutlo le ditšhišinyo tša gago mabapi le maemo a a ditaba. [30]
GOBA
Yunibesithi yeo o e kgethilego e abela baithuti dipasari. Ngwala lengwalo la kgopelo moo o tšweletšago mabaka a gore le wena o fiwe pasari yeo. [30]
GOBA
O dirile dinyakišišo mabapi le go hlorišwa ga baithuti ba kreiti ya 8 ke baithuti ba dikreiti tša godimo. Ngwalela hlogo ya sekolo pego mabapi le bohlatse bja tiragalo ye. [30]
GOBA
O mongwaledipharephare wa lekgotla la twantšho ya bosenyi motseng wa geno. Ngwala metsotso ya kopano ya go feta le lenaneothero leo le tlogo latelwa kopanong yeo e tlogo swarwa bekeng ye e latelago. [30]
PALOMOKA KAROLO YA B: 30
KAROLO YA C: DITŠWELETŠWA TŠA TIRIŠANO TŠE KOPANA
POTŠIŠO 3
Araba potšišo e TEE go tše tharo tše di latelago. Botelele bja setšweletšwa sa gago e be mantšu a 100 go iša go a 120.
O thopile sefoka phadišanong tsoko. Moputso wa gona o akaretša maikhutšo a matšatši a šupa hoteleng ya kua Kapa. Romela mogwera wa gago poskarata o mo anegele tša moo Kapa. [20]
GOBA
Rametlae wa go tsebega o etela sekolo sa geno e le karolo ya lenaneo la lekgotlataolo go kgoboketša mašeleng a go tlo le direla moletlo wa taelano wa mafelelo a ngwaga. Thala maphephetsebiši mabapi le tiragalo ye. [20]
GOBA
Sekolo sa geno se be se tšere leeto la beke la thuto. O be o le yo mongwe wa baithuti bao ba bego ba tšere leeto leo. Ngwala ditiragalo tšohle tša leeto ka gare ga pukutšatši ya gago. [20]
PALOMOKA KAROLO YA C: 20
PALOMOKA YA TLHAHLOBO: 100
